حاجي محمد يوسف ميمڻ: حاجي محمد يوسف ميمڻ 1860ع واري ڏهاڪي ۾ ڳوٺ مريد سوها نزد پليجاڻي اسٽيشن ۾ محمد اسماعيل ميمڻ جي گهر ۾ ڄائو. پاڻ قادريه سلسلي جي درگاه مڪان شريف جي سيد حاجي محمد علي شاهه پوچڙائي جو مريد هو ۽ سندس عقيدت ۾ سنڌيءَ ۾ شاعري به ڪيائين. سندس شاعريءَ جون صنفون، ڪافي، غزل، ٽيهه اکري، مولود، مداح، منقبت ۽ قصيدو آهن. 1325هه /1907ع ۾ پنهنجي مرشد کي پهريون پٽ ڄمڻ جي خوشيءَ ۾ ’قصيده شريف‘ (قصيده مدحيه سلسله عاليه قادريه) مشائخن جي نالن، دعائن ۽ مبارڪن سان چيائين، جيڪو 1375هه/ 1956ع ۾ ٽنڊو الهيار جي الهلال پريس مان ڇپيو ٻيو دفعو 1403هه / 1982ع ۾ فقير محمد اسماعيل ڪنڀار ڪراچيءَ مان ڇپرايو. ان کان سواءِ حاجي محمد يوسف جو سمورو ڪلام اڻ ڇپيل صورت ۾ موجود آهي. 2 ذوالحج 1358هه / 14 جنوري 1940ع ۾ وفات ڪيائين. سندس مزار درگاهه بلال شاهه جي قبرستان واقع ضلع مٽياري ۾ آهي.
1940.01.14 عيسوي
حاجي محمد يوسف ميمڻ 1860ع واري ڏهاڪي ۾ ڳوٺ مريد سوها نزد پليجاڻي اسٽيشن ۾ محمد اسماعيل ميمڻ جي گهر ۾ ڄائو.2 ذوالحج 1358هه / 14 جنوري 1940ع ۾ وفات ڪيائين. سندس مزار درگاهه بلال شاهه جي قبرستان واقع ضلع مٽياري ۾ آهي.